TE KAUPAPA
Te Kura Kaupapa Māori o Ōtepoti is a thriving kura and the only full immersion Māori kura in Otago. We are a strong whānau, who believe our student’s wellbeing is paramount. We do our best to provide a nurturing environment underpinned by Te Aho Matua. Our strategic plan contains the vision and expectations for Kaupapa Māori learning. The focus is on Te Aho Matua values and principles, weaving them into every aspect of our teaching and learning. As a whānau and community we believe our kura is the best environment to nuture and grow our children into thriving leaders.
TERM DATES FOR 2025
WĀHANGA 1: Wed 3 Feb - Fri 11 April
WĀHANGA 2: Mon 28 April - Fri 27 June
WĀHANGA 3: Mon 24 July - Fri 19 Sept
WĀHANGA 4: Mon 6 Oct - Fri 19 Dec
TE IRA TANGATA
E whakamārama ana i te āhuatanga o te katoa o te tangata me te tūhono o te tangata ki te ao wairua. He mea aukati e te ture tā te kura kāwanatanga poipoi i te taha wairua o te tamaiti, nā reira, he mea nui kia mārama te Kāwanatanga ko te taha wairua o te tamaiti Māori he mea nui me āta tiaki, me āta whāngai e te kura kaupapa Māori.
NGĀ IWI
Katoa ngā tamariki Māori e hono ana ki te maha o ngā iwi. Kāore te nuinga o rātau i te noho ki ō rātau wā kāinga. Ko te nuinga, e noho ana ki ngā taone. Nā reira, me mātua hono te kura i ngā tamariki ki ō rātau iwi. Koia he tūāpapatanga mō te marautanga o te kura. Mā te aro ki ngā iwi, ka aro ki te ao Māori, ki te orokohanga mai o ngā tūāhuatanga Māori. Ko te whānau o te tamaiti te tīmatanga o te poipoi, ā, me mātua rongo te tamaiti i te mana o te whānau – i roto i ngā whakahaere, i roto i te mahinga ngātahitanga o te whānau o te tamaiti me ngā pouako.
TE REO
Te He mea tūhono i ngā ariā hopu reo, ariā whakaora reo. Nā Te Ataarangi te tikanga rumakitanga ‘Silent Way’ nā Caleb Gattegno i heri mai ki Aotearoa. I roto i Te Kura o Hoani Waititi i whakamoea taua tikanga ki ā Lily Wong Filmore (1982) nō roto o Kariponia, me ā Peal rāua ko Lambert (1962) i Kānata. Ko ā ngā tohunga nei, me rumaki mārika te tamaiti ki te reo e whakaorangia ana, kātahi te reo matua o te whenua whāngaihia ai. Me roa tonu te wā o te rumaki ki te reo e tata nei te mate. Ko te whāinga kia kaha, kia kounga, kia pakari te rua o ngā reo e aroa ana e te kura.
TE AO
Me mōhio te tamaiti ki tōna ao Māori – tūturu, o nāianei hoki. Kia kaua te tamaiti e herea ki te ao kōhatu, me hono te kura i te tamaiti ki te ao whānui. Ko te whāriki o te marautanga ko ngā uaratanga o te ao Māori e ārahi ana i te tamaiti ki te matapihi o te ao whānui.
NGĀ ĀHUATANGA AKO
Te wāhanga tuarima e whakamārama ana i te tūhonotanga o tēnei mea te ako. Me Māori te tūāhuatanga, me ao whānui hoki te tūāhuatanga. Ko te taiao ako mauri tau e tākaitia ana ki te aroha me te wairua poipoi he mea nui hei whai mā ngā kura. Me ngākau māhaki.
NGĀ TINO UARATANGA
Tekau mā rua ngā kōwae e whakaatu ana i ngā uara o te kura kaupapa Māori. He mea ārahi i tēnei mea te whakahaere, te whakaako me te aromatawai i ngā mahi a te whānau me ngā pouako. Hei aha? Hei whakaputa i ngā tamariki, hei raukura mō ō rātau iwi.
